Yusif Səfərov küçəsinin lətifəsi

Bu videoya baxdım və fikirlərimlə bölüşmək istədim:

Bura Yusif Səfərov küçəsidir və Bakı şəhərində piyadalar üçün ən narahat küçədir, halbuki burada yaşayış binaları, iş mərkəzləri, dövlət idarələri və avtobus dayanacaqları yerləşir. Piyada keçidi yalnız Xatai Telefon Qovşağının və Prenatal Mərkəzin yaxınlığında var ondan sonra 700 metr məsafədə heç bir keçid yoxdur.
Küçənin hərəkət hissəsi 8 zolaqdan ibarətdir, sürətlər isə adətən yüksək olur.

Bəli, burada iki piyada keçidi tikməklə böyük problemi həll etmək olar, amma bu problemlərin səbəbi keçmişdə qəbul edilmiş səhv qərarlardadır.

Vaxtı ilə Yusif Səfərov küçəsi canlı, yaşıl bir küçə idi, küçənin ortasında geniş bulvar var idi(aşağıdaki 2008-ci ilin peyk çəkilişi). Amma sonra şəhərdə maşınların sayı artdı və küçəni belə eybəcərcəsinə yenidənqurdular.

Amma sonra şəhərdə maşınların sayı artdı və küçəni belə eybəcərcasına yenidənqurdular.

Küçəyə avtomobil xüsusiyyətləri vermək cəhdi əvvəlindən yanlışdır, bu birmənalı olaraq şəhərsalma səhvidir və bu haqda yazmışdım.

Bildiyiniz kimi, küçənin və avtomobil yolunun funksiyaları tam fərqlidir.Dünya nəqliyyat və şəhərsalma təcrübəsi deyir ki, əgər şəhərə sürətli avtomobil yolu tələb edilirsə belə yol yaşayış və işgüzar fəaliyyət olmayan yerdə, küçə səviyyəsindən yuxarı (estakadalar) və ya aşağı (tunellər) tikilməlidir.

Belə yollarda nə piyada, nə ictimai nəqliyyat dayanacaqları ola bilər.
Ancaq SSRİ-də küçənin və avtomobil yolunun qibridi , yəni çoxzolaqlı, svetoforsur, yer səviyyəsində piyada keçidi olmayan “prospektlər” vardır.

SSRİ dağıldı amma onun yol ənənələri hələ də yaşayır və şəhərlərimizdə yaşayış keyfiyyətini aşağı salır.

Bundan əlavə yol tikintisi ilə problemlər həll olunmur, çünki daha çox yol, şəhərə daha çox maşın gətirir. Daha ətraflı burada.

Burada olarkən...

Fəaliyyətimizin və saytımızın inkişafına maddi dəstək göstərmək istəyirsinizsə, aşağıda ünvanlara ianələri göndərə bilərsiniz.
Bank Respublika kartına birbaşa "card-to-card": 4244-4873-5828-7859 (və yaxud MilliÖn, ExpressPay və digər ödəniş terminallarda hesaba mədaxil etmək olar).
Digər formada bizə dəstək göstərmək istəyirsinizsə, zəhmət olmasa, əlaqə forması vasitəsilə bizə yazın.
Yazı ilə bağlı rəy bildirin: